kik-siànn（激聖）：華語淘氣、作怪、捉狹。 (1) a. Sann-huè ê kan-á-sun bóng kik-siànn, kā a-tsóo lāng kah tshiò-hai-hai. 三歲的乾仔孫罔激聖，共阿祖弄甲笑咍咍。 b. Gōo-la̍k-huè gín-á kik-siànn, ké tuā-lâng ê siann-sàu, ta̍k-ke sī tshiò kah lám pak-tóo. 五六歲囡仔激聖，假大儂个聲嗽，逐家是笑甲攬腹肚。 c. Siàu-liân--ê khiâ thih-bé, kik-siànn khiàu-koo-lián, kiat-kó siak tsi̍t-ē, giān-giān bē siau-kiān. 少年--个騎鐵馬，激聖翹孤輪，結果摔一下，殗殗袂消胘。 d. Tsi̍t-tīn tshit-peh-tsa̍p-huè ê lāu tâng-sǎi, tsò-hué tsia̍h-pn̄g, ū-lâng kik-siànn kún-sńg-tshiò, ta̍k-ke bē-su koh huê kàu siàu-liân ê sî-tāi. 一陣七八十歲个老同娰，做伙食飯，有儂激聖滾耍笑，逐家袂輸閣回到少年个時代。 ▶️ 激聖 kik-siànn｜台語字 珍趣味 https://www.youtube.com/watch?v=030PzBlFIQY